Shugaba Bola Tinubu ya amince da dakatar da Godwin Emefiele, gwamnan babban bankin Najeriya.

Daraktan ofishin yada labarai na sakataren gwamnatin tarayya Willie Bassey ne ya bayyana hakan a cikin wata ‘yar gajeruwar sanarwa a daren Juma’a.

Ya bayyana cewa yana mayar da martani ne ga wani bincike da ofishinsa ke gudanarwa da kuma sake fasalin fannin hada-hadar kudi da ke tafe.

An umurci Emefiele da ya gaggauta mika ragamar tafiyar da harkokin ofishinsa ga mataimakin gwamna (Operations Directorate), wanda zai yi wannan aiki har sai an kammala bincike da sauye-sauye.