Asalin hoton, Getty Images
Juanmi ya ci wa Real Betis kwallo a karawa uku a La Liga
Real Betis ta doke Barcelona 1-0 a Camp Nou a gasar La Liga, wasan farko da sabon koci, Xavi ya yi rashin nasara tun karbar aiki a bana.
Juanmi ne ya ci wa Betis kwallon da hakan ya kai kungiyar mataki na uku da tazarar maki shida tsakaninta da Real Madrid wadda ke jan ragama.
Xavi ya ci wasa biyu a La Liga da canjaras daya da Benfica a Champions League, tun bayan da ya maye gurbin Ronald Koeman da aka sallama.
Sai dai da wannan sakamakon Barcelona tana ta bakwai a teburin babbar gasar Sifaniya da tazarar maki shida tsakaninta da ‘yan hudun karshe.
Barcelona na fatan samun maki a gidan Bayern Munich domin ta kai zagayen gaba a Champions League a karawar da za ta yi a karshen mako a Jamus.
Tun farko Bayern Munich ce ta doke Barcelona 3-0 a wasan farko cikin rukuni a gasar ta Zakarun Turai a Camp Nou.
