[ad_1]
Ruwan sama ba kakkautawa ya raba daruruwan mutane da gidajensu a wasu unguwanni dake wajen birnin Kaduna.
Gidaje da dama ne suka shafe sakamakon ruwan saman da ya fara da yammacin ranar Alhamis ya kuma tsaya da safiyar ranar Juma’a.
Unguwannin da masifar ambaliyar ruwan tafi ƙamari sun hada da, Unguwar Rimi,Bachama Road, Barnawa, Kudenda, Kawo, Gonin Gora da sauransu.
Hakan ya sa mutane da dama sun nemi mafaka a makarantu da kuma coci-coci.
Ambaliyar ta faru ne yan kwanaki bayan gargadi daga hukumar agajin gaggawa ta jihar Kaduna(SEMA) da kuma hukumar kare muhalli ta jihar Kaduna (KEPA) akan yiyuwar faruwar ambaliyar ruwa.
Hukumomin biyu sun yi gargadin yiyuwar faruwar ambaliyar ruwa musamman masu gidaje a kusa da bakin Kogin Kaduna da kuma mazauna kusa da hanyar ruwa.
Anyi ta maimaita gargadin hukumomin biyu a gidajen rediyo.
A wasu daga cikin unguwanni da abin ya shafa anga mazauna yankin suna kwashe kayayyakinsu zuwa gidan yan’uwansu dake makotan unguwanni.
Wasu daga cikin magidantan sun bayyana cewa basu da masaniya akan gargadin.
[ad_2]
