Yayin da zaɓen 2023 yake ƙara ƙaratowa, wasu daga cikin ƴan siyasar ƙasar sun fara nuna aniyarsu ta tsayawa takara.
Ɗaya daga ciki shi ne tsohon gwamnan Lagos kuma uban jam’iyyar APC Bola Ahmed Tinubu.
Mai karatu zai iya tuna cewa kwanakin baya tsohon gwamnan na Lagos ya faɗa wa Shugaba Muhammadu Buhari cewa yana da aniyar tsayawa takarar shugabancin Najeriya.
Sai dai har yanzu jam’iyyar tasu ba ta fitar da gwani ba, yayin da shi ma tsohon gwamnan Abia, Urzo Kalu, yake nuna muradinsa ga kujerar.
Abin tambaya a nan shi ne, shin APC za ta tsayar da Bola Tinubu a matsayin ɗan takararta?
