Rundunar yan sandan jihar Rivers ta ce ta bankaɗo wata haramtacciyar masana’antar ƙera bindigogi da nakiyoyi dake garin Osomba a karamar hukumar Akamkpa ta jihar.
Mai magana da yawun rundunar yan sandan jihar, Irene Ugbo ta ce tawagar jami’an yaki da yan kungiyar asiri da kuma yin garkuwa da mutane karkashin jagorancin Ogini Chukwuma su ne suka kai farmaki masana’antar inda suka gano makamai masu tarin yawa.
Ugbo ta ce farmakin ya kai ga gano abubuwan fashewa da dama da ake sarrafasu daga nesa da kuma bindigogi da dama.
Ta ce gomman bindigogi kirar double barrel da kuma kananan bingogi kirar gida.
Ta kara da cewa mutane 9 aka kama a masana’antar kuma dama an sansu sosai akan harkar safarar bindiga.
