Jami’an hukumar ‘yan sanda reshen Karasuwa a jihar Yobe sun cafke wasu mutane biyu da ake zargi da kai wa ‘yan bindiga makamai da alburusai.
An kama wadanda ake zargin ne da makamin roka.
Hakan na kunshe ne cikin wata sanarwa da jami’in hulda da jama’a na rundunar ‘yan sandan jihar Yobe, DSP Dungus Abdulkarim ya fitar.
A cewar PPRO mutanen biyu wadanda ake zargin, Hassan Abubakar mai shekaru 35, da Abubakar Shehu mai shekaru 32, dukkansu ‘yan kabilar Maradun ne a jihar Zamfara.
“An kama wanda ake zargin na farko, Hassan Abubakar ne a lokacin da yake tuka motar bas mai mutane 18 a Karasuwa a kan ƙoƙarinsa na karbar RPMG. An kama shi ne bayan ya tattara bindigar bam.
“Wanda ake zargin na farko ya amsa cewa wanda ake zargi na biyu, Abubakar Shehu, dan aike wa ‘yan fashi ne a jihar Zamfara, kuma jami’an ‘yan sanda daga jihar Yobe sun bi sawun su tare da kama su a Maradun,” in ji jami’in hulda da jama’a na ƴan sandan.
Ya kara da cewa wadanda ake zargin suna baiwa ‘yan bindiga bindigu ne a jihohin Zamfara, Kano, Niger, Zaria, Yobe da dai sauransu.
