Rundunar yan sandan jihar ta samu nasararar kubutar da wani mutum da aka yi garkuwa da shi a ranar Talata a kauyen Umuege dake yankin Awka a jihar.
SP Tochukwu Ikenga mai magana da yawun rundunar yan sandan jihar ne ya bayyana haka a cikin wata sanarwa da ya fitar.
Ikenga ya ce an samu nasarar kubutar da mutumin ne sakamakon yadda aka girke jami’an rundunar a wasu muhimman wurare biyo bayan samun rahoton yin garkuwa da mutumin.
A cewarsa hakan ya tilastawa batagarin dake cikin wata mota kirar Sienna jefar da mutumin a kauyen Umunya dake kan titin Enugu zuwa Onitsha suka tsare.
