Wasu yanbindiga sun yi awon gaba da shugaban karamar hukumar Keffi ta jihar Nasarawa, Muhammad Baba Shehu da direban sa.
Yan bindigar sun samu nasarar bindige dogarinsa, Sajan Alhasan Habibu Nasir.
Lamarin ya faru ne a gundumar Gudi dake karamar hukumar Akwanga da misalin karfe 6:30 na yammacin ranar Juma’a lokacin da yake kan hanyarsa ta zuwa Lafia.
Dan sandan da aka kashe ya mutu ne a musayar wuta da yan bindigar.
