Akalla shanu takwas walkiya ta kashe a Ekan-Ikale dake yankin Ikare-Akoko a jihar Ondo.
Hakan na zuwa ne wata guda bayan da walkiya ta kashe wasu shanu 36 a Ijare dake karamar hukumar Ifedore ta jihar Ondo.
Shanun sun mutu bayan da suka hau wani tsauni inda basaraken garin yake sadaukar da jini a duk shekara.
Da yake magana akan batun na baya-bayan nan wani mazaunin yankin ya fadawa jaridar The Cable cewa mai makon masu shanun su jefar da su sai suka gasa, suka rika sayarwa da mahauta da basu da masaniyar abin da ya faru.
Amma gwamnatin jihar Ondo ta shiga lamarin inda ta hana sayar da naman shanu a yankin.