Gwamnan Jihar Kaduna, Sanata Uba Sani, ya sanar da zaɓen Jerry Adams a matsayin mataimakinsa a zaɓen gwamnan jihar na 2027.
Uba Sani ya bayyana cewa ya ɗauki wannan mataki ne bayan shawarwari da addu’o’i. Ya ce zaɓin ya yi daidai da manufar gwamnatinsa ta inganta haɗin kai, adalci da bai wa kowane ɗan jihar damar samun wakilci ba tare da la’akari da addini ko ƙabila ba.
Gwamnan ya kuma bayyana Adams a matsayin gogaggen jami’in gwamnati kuma ƙwararren mai kula da harkokin haraji, inda ya ce yana da gaskiya, ƙwazo da kishin zaman lafiya, kuma zai taimaka wajen ci gaba da gina Kaduna mai haɗin kai da bunƙasa.
Uba Sani Ya Zaɓi Jerry Adams A Matsayin Mataimakinsa Na Zaɓen 2027
