Dan wasan Tottenham, Moussa Sissoko zai yi jinya zuwa watan Afirilu, bayan aiki da likitoci suka yi masa a gwiwar kafarsa.
Dan kwallon mai shekara 30, ya yi raunin ne a wasan da Tottenham ta yi rashin nasara a hannun Southampton da ci 1-0 a sabuwar shekarar 2020.
Dan wasan tawagar Faransa ya buga wa Tottenham wasa 20 daga 21 da ta yi a Premier bana, inda ya ci kwallo biyu a raga.
Tottenham ta ce za ta sa ido kan jinyar da zai yi, domin ya koma fagen fama a farkon watan na Afirilu.
A makon jiya ne Tottenham ta sanar Harry Kane zai yi jinya, koda yake ba a fayyace lokacin da zai koma buga kwallo ba.
Tottenham tana ta shida a kan teburin Premier League, maki biyar tsakaninta da Chelsea ta hudu a teburin.