Shugaban Najeriya, Bola Ahmed Tinubu, ya ce gwamnatinsa za ta ƙara amfani da fasahar zamani, inganta tattara bayanan sirri da kuma samar da sabbin kayan aikin soja domin ƙarfafa yaƙi da matsalar tsaro.
Mataimakin Shugaban Ƙasa, Kashim Shettima, ne ya wakilci Tinubu wajen bikin Ranar Sojin Najeriya ta 2026 da aka gudanar a Fatakwal.
Shugaban ya kuma bayyana cewa gwamnati za ta bunƙasa ƙera kayan aikin soja a cikin gida ta hanyar Kamfanin Masana’antun Tsaro na Najeriya, DICON.
A nasa bangaren, Gwamnan Jihar Ribas, Siminalayi Fubara, ya buƙaci Gwamnatin Tarayya ta ƙara inganta walwala da jin daɗin jami’an soji, yayin da Babban Hafsan Sojin Ƙasa ya tabbatar da aniyar rundunar na ci gaba da kare rayuka da dukiyoyin al’umma.
Tinubu Ya Jaddada Amfani Da Fasahar Zamani Wajen Yaƙi Da Rashin Tsaro
