Wani rahoto da Ma’aikatar Lafiya da Walwalar Jama’a ta Najeriya ta fitar ya nuna cewa an samu sababbin masu ɗauke da cutar HIV/AIDS sama da dubu 102 a faɗin ƙasar a shekarar 2025.
Rahoton mai taken “The State of the Health Nation Report” ya bayyana yadda cutar ta ƙaru a jihohin Najeriya 36 da kuma Abuja, inda ya nuna damuwa kan hauhawar alƙaluman duk da ƙoƙarin hukumomi na rage yaɗuwar cutar da mace-macen da ke da alaƙa da ita.
Haka kuma, bayanan hukumar NACA sun nuna cewa a yanzu akwai mutane kimanin miliyan 1.9 masu ɗauke da cutar HIV/AIDS a Najeriya.
Sabbin Mutane Sama Da Dubu 102 Sun Kamu Da HIV A Najeriya A 2025
