Asalin hoton, Getty Images
Barcelona za ta buga gasar La Liga ranar Laraba a gidan Rayo Vallecano ba tare da Ansu Fati ba.
Dan wasan ya ji rauni a karawar El Clasico da Real Madrid ta doke Barcelona da ci 2-1 ranar Lahadi a Camp Nou.
Barcelona ce ta sanar da cewar dan kwallon mai shekara 18 na jin radadi a raunin da ya yi.
”Ansu Fati na jin radadi a kafarsa ta hagu. Ba zai buga wasa da Rayo Vallecao ba, samun saukinsa ne zai tabbar da ranar da zai dawo tamaula.” Kamar yadda ta sanar a Twitter.
Bayan da Ansu Fati ba zai buga karawar Laraba ba, kungiyar na sa ran Memphis Depay da Philippe Coutinho da kuma Sergio Aguero za su taka mata rawar gani.
Barcelona mai kwantan wasa tana ta tara a kan teburin La Liga nab ana.
