Now Reading: Kotun Shari’ar Musulunci A Kano Ta Tsare Wata Mata Bisa Zargin Kashe Mijinta
1
-
01
Kotun Shari’ar Musulunci A Kano Ta Tsare Wata Mata Bisa Zargin Kashe Mijinta
Wata Kotun Shari’a da ke yankin Post Office a Jihar Kano ta bayar da umarnin tsare Bilkisu Sani Rogo a gidan yari bisa zargin kashe mijinta, Malam Hamisu, a Bakin Kasuwa, karamar hukumar Rogo.
An gurfanar da Bilkisu a gaban kotun ne bisa zargin cewa ta kashe mijinta bayan ta gano cewa yana shirin auren wata mace.
A yayin zaman kotun da Alkalin, Garba Hamza Malafa, ya jagoranta, mai gabatar da kara, Barrister Awaisu, ya gabatar da zarge-zargen da ake yi wa Bilkisu.
Sai dai wadda ake zargin ta musanta kashe mijinta.
Bayan sauraron karar, kotun ta bayar da umarnin ci gaba da tsare Bilkisu a gidan yari, sannan ta dage sauraron karar zuwa ranar 13 ga Oktoba, 2026.
