Gwamnatin jihar Kwara ta ayyana ranar Talata a matsayin ranar hutun sabuwar shekarar musulunci ta 1448 AH.
Gwamnatin ta ayyana haka ne biyo bayan ganin watan Muharram da aka yi abun da ya sa ranar Talata ta zamo ranar 1 ga watan Muharram na shekarar 1448 AH.
A wata sanarwa da aka fitar ranar Litinin, Bolanle Olukoju kwamishinan sadarwa ta jihar ta yi kira ga Musulmi da su yi duba tare da yin nazari mai zurfi kan abun da hijira take nufi.
Sanarwar ta shawarci yin koyi da darasin haÉ—in kai, juriya da kuma jin kai
Ta kara da cewa gwamna, Abdulrahaman Abdulrazak ya yi addu’ar samun albarka ga iyalai dake fadin jihar tare da yin addu’ar samun zaman lafiya da kwanciyar hankali.
