Fursunoni tara da ke zaman kaso a Gidan Gyaran Hali na Wudil a Jihar Kano sun kammala haddar Alƙur’ani Mai Tsarki.
Jami’in hulɗa da jama’a na hukumar gidan gyaran hali a Kano, CSC Musbahu Lawan Kofar Nasarawa, ya ce wasu daga cikin fursunonin ba su da cikakken ilimin karatun Alƙur’ani kafin shigarsu gidan yarin.
Ya bayyana cewa horo da tsare-tsaren koyarwa da ake yi a cibiyar ne suka taimaka musu wajen haddace Alƙur’ani gaba ɗaya.
Shugabannin hukumar da wasu jami’ai sun yaba da nasarar, inda suka ce hakan na nuna tasirin shirye-shiryen gyaran hali da ilimi a gidajen yari.
Fursunoni 9 Sun Haddace Alƙur’ani A Gidan Yari A Kano
