Wani mai buga bulo mai suna Ayomide ya mutu bayan da wani da ake zargin ɗan daba ne, wanda aka fi sani da Aboy, ya daɓa masa wuƙa saboda takaddama kan Naira 200 a jihar Ogun.
Lamarin ya faru ne a wata masana’antar bulo da ke yankin Ota da sanyin safiyar ranar 1 ga Afrilu.
Majiyoyi sun ce takaddamar ba ta ɗauki lokaci ba kafin wanda ake zargin ya kai wa Ayomide hari da wuƙa, lamarin da ya yi sanadin mutuwarsa kafin a kai shi asibiti.
An ce wanda ake zargin ya tsere bayan faruwar lamarin.
Wasu mazauna yankin sun zargi ’yan sanda da tsare mutanen da suka kai rahoton lamarin maimakon su bi sawun wanda ake zargin domin kama shi.
An Yi Ajalin Wani Mutumi a Kan Naira 200
