Akalla fasinjoji 19 aka bada rahoton anyi garkuwa da su a garin Jor dake kan hanyar Adoka-Naka-Makurdi a karamar hukumar Gwer West ta jihar Benue.
An yi garkuwa da fasinjojin da safiyar ranar Alhamis lokacin da suke tafiya a cikin motoci biyu inda wasu yan bindiga suka tsare su tare tasa keyarsu cikin daji.
Amma kuma masu garkuwar sun saki mutane hudu daga cikinsu ciki har da wani karamin yaro da direban motar da kuma wata tsohuwa mace da namiji.
Shedun gani da ido sun bayyana cewa mutanen da aka sako dattijuwar macen da kuma dattijon sun bayyana cewa masu garkuwar dauke da muggan makamai ne suka mai su kwanton bauna inda suka tasa dukkanin fasinjojin cikin daji.
Sun kara da cewa lokacin da suka yi yar tafiya kadan a cikin dajin sai masu garkuwar suka yanke shawarar su sake su tare da karamin yaron saboda sun tsufa.
