An wallafa sunaye da hoton fursunonin da suka tsere daga gidan yarin Suleja

Hukumar NCoS dake lura da gidajen gyaran hali da tarbiyya ta fitar da sunaye da kuma hotuna na ɗaurarrun da suka tsere da gidan gyaran hali da tarbiyya na Suleja dake jihar Niger.

A ranar 24 ga watan Afrilu wani mamakon ruwan sama ya rushe wani sashe na katangar gidan gyaran hali na Suleja har ta kai ga ɗaurarru 118 sun tsere.

Ministan harkokin cikin gida, Olubunmi Tunji-Ojo ya ɗora alhakin rushewar katangar kan tsufa da tayi.

Inda ya ce gwamnatin tarayya za ta tabbatar da kare faruwar haka anan gaba.

Ƴan kwanakin da suka wuce, Abubakar Umar mai magana da yawun hukumar ta NCoS ya ce an samu nasarar kama 23 daga cikin fursunonin da suka tsere.

Ya zuwa ranar 15 ga watan Yuni hukumar ta wallafa sunayen mutanen da suka tsere a shafin intanet na hukumar.

Sunayen da aka wallafa sun haɗa da Ogbonna Kingsley, Auwal Mohammed, Mustapha Ibrahim, Suleiman Sani, Raphael Kelly, Abdullahi Babangida, Idris Bashir, Umar Mustapha, Ayuba Obedience, da Lamido Gambo.

Sauran su ne Garba Fidelis, Mohammed Jibrin, Sylvester Allison, Albert Israel, Edoga Okwudili, Olaiya Stephen, Ibrahim Aminu, da Audo Usman.

More News

Ƴan ta’adda sama da 260 sun miƙa wuya ga jami’an tsaro

Yayin da dakarun Operation Lake Sanity 2 ke kara kai hare-hare, rundunar hadin gwiwa ta Multinational Joint Task Force (MNJTF) ta yi nasarar karɓar...

Ƴan majalisar wakilai sun rage albashinsu da kaso 50

Mambobin majalisar wakilai ta tarayya sun amince su rage albashinsu da kaso 50  na tsawon watanni 6 a matsayin nasu sadaukarwar da kuma nuna...

Tinubu ya amince da mafi karancin albashi na N70,000

Shugaba Bola Tinubu ya amince da N70,000 a matsayin mafi karancin albashi ga ma’aikatan Najeriya, inda ya yi alkawarin sake duba dokar mafi karancin...

An kama ɗan sanda kan zargin aikata fashi da makami

Wani jami'in ɗan sanda mai suna Aminu Muhammad dake aiki da rundunar ƴan sandan jihar Kogi ya faɗa komar abokan aikinsa ƴan sanda kan...