— VOA Hausa
Kama daga shataletale, watau round about zuwa bankuna makarantu da kuma wasu wuraren hada hadar jama’a tuni suka sha kwalliya don bukukuwan kirsimeti da kuma na sabon shekara.
To ko yaya kasuwar kirsimeti take a bana, wasu ‘yan kasuwa sun mana karin haske.
Wata mai sana’ar kitso a kasuwar Jimeta, tace a bana kasuwa ta yi dadi Allah san barka.
A nata bangaren rundunan ‘yan sandan jihar Adamawa tace sama da jami’an tsaro dubu biyar aka tanadar domin bukukuwan na kirsimeti da kuma na sabuwar shekara.
DSP Suleiman Yahya Nguroje kakakin rundunar ‘yan sandan jihar ya yi karin haske game da matakan da aka dauka.
