Jam’iyar APC a jihar Jigawa ta dakatar da shugaban jam’iyar na karamar hukumar Roni, Alhaji Saleh Idris wanda aka kama da zargin yiwa wata yarinya ciki bayan da ya yi mata fyade.
Dakatarwar na É—auke cikin wata takarda da aka raba wa manema labarai mai dauke da sa hannun shugaban jam’iyar na jihar, Hon Aminu Sani Gumel.
A cewar takardar zargin da akewa Idris “ya saba da doka ta 21 .2 (Vii) da kuma (X) na kundin tsarin mulkin jam’iyar APC wanda aka yiwa gyara a shekarar 2022.”
Takardar ta umarci Idris da ya mika ragamar rikon jam’iyar ga mataimakinsa.
Hukumar tsaro ta Civil Defence ce ta kama Idris mai shekaru 56 kan zargin yi wa yar aikinsa mai shekaru 14 fyade.
A cewar hukumar ta Civil Defence an kama wanda ake zargi ne ranar Laraba bayan É—an uwan yarinyar ya shigar da korafi.