Now Reading: Matatar man Dangote ta ƙara farashin kuɗin man fetur ya zuwa 1265
1
-
01
Matatar man Dangote ta ƙara farashin kuɗin man fetur ya zuwa 1265
Matatar man fetur ta Dangote ta ƙara farashin kuɗin litar man fetur ya zuwa ₦1265 kan kowace lita.
A cikin sakon da ta aikewa abokanan cinikinta matatar ta ce sabon farashin zai fara aiki ne daga ranar 29 na watan Agustan da muke ciki.
A baya dai matatar na sayar da man fetur kowace lita akan ₦1200 a yanzu hakan na nufin an samu ƙarin ₦65 akan kowace lita.
Wannan ne karo na uku da matatar ke ƙara farashin kuɗin man fetur dana man diesel a cikin kwanaki goma da suka wuce.
Ƙarin na zuwa ne duk da cewa babu wani gagarumin sauyi da aka samu kan farashin ɗanyen mai a kasuwar duniya.
