Shugaban Amurka Donald Trump ya nuna rashin jin daɗinsa kan wani kuduri da Majalisar Wakilan ƙasar ta amince da shi, wanda ke neman takaita ikon shugaban kan batun yaƙin Iran.
Kudurin ya samu goyon bayan wasu ‘yan jam’iyyar Republican guda huɗu tare da ‘yan Democrat, inda ya tanadi cewa dole ne shugaban ya janye sojojin Amurka daga Iran ko kuma ya nemi sahalewar majalisa kafin ci gaba da duk wani aikin soja a yankin.
Rahotanni sun nuna cewa yawancin ‘yan majalisar da ke adawa da yaƙin sun goyi bayan matakin ne domin nuna rashin amincewarsu da ci gaba da rikicin.
A nasa ɓangaren, Mista Trump ya soki matakin, inda ya bayyana shi a matsayin rashin kishin ƙasa, yana mai cewa an ɗauki matakin ne a lokacin da ake dab da cimma yarjejeniyar kawo ƙarshen yaƙin.
Trump Ya Caccaki ‘Yan Majalisa Kan Kudirin Takaita Aikin Sojin Amurka A Iran
