Rundunar sojin Amurka ta tabbatar da mutuwar ƙarin ma’aikatan jirgi biyu da tun farko ba a gano su ba bayan hatsarin jirgin dakon mai na Amurka da ya faru a yammacin ƙasar Iraq.
Da wannan tabbaci, adadin mutanen da suka rasu a cikin jirgin samfurin KC-135 ya kai shida, dukkansu ma’aikatan jirgin ne.
Cibiyar ayyukan sojin Amurka ta ce har yanzu ba a tantance ainihin dalilin hatsarin ba. Sai dai ta bayyana cewa hatsarin ya shafi jirage biyu ne.
A cewarta, ɗaya daga cikin jiragen ya samu sauka lafiya, kuma babu wata alamar cewa abokan gaba sun taka rawa a lamarin.
Sojojin Amurka Sun Tabbatar Da Mutuwar Ma’aikatan Jirgi Shida A Hatsari A Iraq
