Rahotanni daga Kano sun bayyana cewa wuta ta tashi a Kasuwar Singa dake kan Titin Bello, inda hakan ya jefa ‘yan kasuwa da mazauna unguwar cikin zaman dar-dar.
Bisa ga bayanan da aka tattara, wutar ta fara barkewa a safiyar ranar Litinin, ta kuma bazu zuwa wasu sassan kasuwar, inda ta ƙona kayayyaki da sauran abubuwa masu daraja da ‘yan kasuwa suka mallaka.
Shaidun gani da ido sun ce lamarin ya bukaci matakin gaggawa domin hana wutar kara yaduwa.
A halin yanzu, ba a tabbatar da musabbabin barkewar wutar ba, haka zalika babu cikakken bayani kan ko rayuka sun salwanta.
An Samu Tashin Gobara a Kasuwar Singa ta Kano
