Chimaobi Atu, mamba a majalisar wakilai ta tarayya ya sauya sheka daga jam’iyar LP ya zuwa APC.
Shugaban majalisar wakilai, Tajuddeen Abbas shi ne ya sanar da sauya shekar Atu a zauren majalisar a yayin zamanta na ranar Alhamis.
Atu na wakiltar mazabar Enugu north/south a majalisar.
Dan majalisar ya kara hujjar dalilin sauya shekar ta sa da rikici da yaki ci yaki cinyewa a cikin jam’iyar mai adawa inda ya ce hakan yana shafar yadda yake gudanar da aikinsa.
Ali Isa bulaliyar marasa rinjaye a majalisar ya kalubalanci sauya shekar inda ya bukaci a ayyana kujerar Atu a matsayin wacce babu kowa akanta bukatar da shugaban majalisar ya yi watsi da ita.
