Dakarun rundunar sojan Najeriya sun samu nasarar kashe gawurtaccen ɗan bindiga Kachalla Halilu Sububu wanda aka fi sani da Kachalla Buzu.
An kashe Kachalla ne a wata arangamar da aka yi tsakanin dakarun sojan da kuma ƴan bindigar da safiyar ranar Juma’a.
Biyo bayan artabun da aka yi jami’an sojan sun samu nasarar ƙwace babura da dama da kuma bindigogi ƙira daban-daban.
Kafin rasuwar Kachalla wanda ɗan ƙasar Nijar na daga cikin ƴan bindigar da suka addabi jihar Zamfara.
