Darajar naira ta yi kasa a yayin da ake canza dala a kan N1045

Darajar Naira tayi faduwar da bata taba yi ba a kasuwar bayan fage a ranar Laraba.

Wasu masu wurin hada-hadar canjin kudade sun bayyana cewa suna sayar da kowace dalar Amurka kan N1045.

Hakan na nufin darajar ta Naira ta yi kasa da naira 45 idan aka kwatanta da farashinta cikin makonni biyu.

Yan canjin kuɗin sun bayyana cewa suna sayan dalar Amurka akan 1020 su kuma sayar 1045.

“A yanzu haka dalar Amurka na karanci” a cewar Aliyu wani mai canjin kuɗi a birnin Lagos.

A kasuwar musayar kudade ta bankuna ana sayar da kowace dalar Amurka kan kuɗi naira N776.