Hakkin mallakar hoto
Getty Images
Villareal ta kammala sayen Paco Alcacer daga Borussia Dortmund.
Dan wasan ya saka hannu kan yarjejeniyar shekara biyar, wadda za ta kare a karshen kakar 2025.
Villareal ta sayi Alcacer kan yuro miliyan 25 a matsayin wanda ta dauka mafi tsada a tarihi, bayan Gerard Moreno da ta dauka a 2018 kan yuro miliyan 20.
Watakila dan wasan mai shekara 26, ya buga wa Villareal gasar La Liga da za ta kara da Osasuna ranar Lahadi.
Tuni kuma Villareal ta sanar cewar Alcacer zai sa riga mai lamba 17.
