Asalin hoton, Idris Sanusi Yarima
Tsohon Sarkin Kano Sanusi na II ya gabatar wa Sheikh Dahiru Bauchi takaddar tabbatar da shi matsayin Khalifa
Babban malamin É—arikar Tijjaniya a Najeriya, Sheikh Dahiru Usman Bauchi, ya amince da tsohon Sarkin Kano, Muhammadu Sanusi na II, a matsayin Khalifa.
Shehin malamin ya amince da naÉ—in Sunusi lokacin da tsohon sarkin na Kano ya gabatar masa da takaddar tabbatar da naÉ—insa a hukumance a matsayin Khalifan darikar Tijjaniyya a Najeriya a ziyarar da ya kai jihar Bauchi, kamar yadda É—aya daga cikin Æ´aÆ´ansa ya tabbatar wa BBC.
A makon da ya gabata aka kawo ƙarshen saɓani da ke tattare da naɗin tsohon Sarkin na Kano, Muhammadu Sanusi II, a matsayin jagoran Darikar Tijjaniyya a Najeriya a hedkwatar ɗarikar ta duniya a Senegal.
Babban jagoran darikar, Mahi Nyass ne ya tabbatar da naɗinsa lokacin da ya karbi bakuncin tsohon sarkin a wata ziyarar watan azumin Ramadan da ya kai ƙasar.
An ambato Sheikh Dahiru Bauchi na cewa naÉ—in na Sanusi bai rusa jagorancin sauran shugabannin darikar Tijjaniyya ba, musamman waÉ—anda marigayi Shiekh Ibrahim Nyas ya naÉ—a.
Shehin malamin ya yi wa tsohon sarkin na Kano addu’ar jagoranci da kariya ga matsayin da aka ba shi.
