Rahotanni sun nuna cewa satar mai a tashoshin mai na Burtaniya ta ƙaru bayan tashin farashin man fetur da ya biyo bayan rikicin da ya ɓarke tsakanin Amurka da Iran.
Alƙaluman da shafin Forecourt Eye ya fitar sun nuna cewa man da direbobi ke ɗiba ba tare da biyan kuɗi ba ya ƙaru da kashi 20 cikin watanni biyar. Haka kuma, an kiyasta cewa ana sace man da darajarsa ta kai kusan fan dubu 200 a kowace rana.
Masana sun ce rikicin Gabas ta Tsakiya ya haifar da tangarɗa wajen samar da mai, lamarin da ya janyo hauhawar farashin man fetur har zuwa Burtaniya.
Satar Mai Ta Ƙaru A Burtaniya Sakamakon Tashin Farashi
