PDP Ta Tantance Pantami Da Wasu Biyu Domin Sabon Zaɓen Fidda Gwani A Gombe

Jam’iyyar PDP a Jihar Gombe ta tantance Farfesa Isa Ali Pantami, Khamisu Ahmed Mailantarki da Usman Aliyu Garry domin shiga sabon zaɓen fidda gwani na gwamna da za a gudanar a jihar.

Jam’iyyar ta ce za a gudanar da sabon zaɓen ne a ranar Talata, 29 ga Satumba, 2026, bayan wata babbar kotun tarayya da ke Gombe ta soke zaɓen da ya gabata, wanda Pantami ya samu tikitin jam’iyyar.

Kotun ta umarci PDP da ta sake gudanar da zaɓen fidda gwani bisa ƙa’idojin jam’iyyar da tanade-tanaden dokokin zaɓe.

PDP ta ce ta karɓi hukuncin kotun cikin mutunci, tare da sanar da mambobinta masu rajista cewa za su samu damar shiga sabon tsarin zaɓen.

Sabon zaɓen zai sake buɗe fafatawar neman tikitin PDP na takarar gwamnan Gombe a zaɓen 2027.