Mutane uku sun rasa rayukansu a wani hatsarin mota da ya faru a Polo Roundabout da ke ƙaramar hukumar Jos North a Jihar Plateau.
Rahotanni sun ce hatsarin ya auku ne da misalin ƙarfe 2:30 na daren ranar Litinin, bayan wata babbar mota ta kwace wa direba ta yi karo. Direban motar da wasu mutum biyu sun mutu nan take a wurin.
Jami’in wayar da kai na Hukumar Kiyaye Hadurra ta Ƙasa (FRSC) a jihar, Peter Longsan, ya danganta hatsarin da rashin iya sarrafa mota, yana mai cewa tuƙi da daddare na da haɗari saboda ƙarancin gani da kuma gajiya.
Ya shawarci direbobi da su tabbatar motocinsu na cikin koshin lafiya kafin su tafi tafiya, su kuma kiyaye dokokin hanya da ka’idojin gudu domin kauce wa haɗurra da kare rayuka.
Mutane Uku Sun Mutu A Hatsarin Mota A Jos
