Shugaban kasa, Muhammadu Buhari ya tura saunayen mutum bakwai zuwa Majalisar Dattawa a matsayin wanda za a nada sabbin ministoci.
Sunayen mutanen na ƙunshe ne cikin wata wasika da fadar shugaban kasar ta tura ga majalisar dauke da sunayen mutanen wadanda za a tantance su kafin tabbatar musu da mukaman.
A ranar 29 ga watan Mayun 2023 wa’adin mulkin Buhari zai kare.
Sunayen mutanen da Buhari ya tura majalisar sun hada da Henry Ikechukwu Iko (Abia) Umar Ibrahim El-Yakub (Kano) da kuma Joseph Ukama (Ebonyi.)
Sauran sun hada da Umana Okon Umana (Akwa Ibom) Adewole Adegoroye (Ondo) Odum Udi (Rivers) da Goodluck Nnana Opia (Imo.)
Anan gaba kadan ne majalisar za ta saka rana domin tantance mutanen.
