Hakkin mallakar hoto: Getty images
Dan wasan Argentina da Barcelona, Lionel Messi, shi ne wanda ya fi kowa zura kwallaye a gasar lik-lik ta nahiyar Turai a bana.
Dan wasan, wanda shi ne kyaftin din Barcelona, ya ci kwallaye guda 16 a La Ligar bana, har da wadda ya zura a ragar Getafe a ranar Lahadi da kungiyar Nou Camp ta yi nasara da ci 2-1.
Messi ya ci kwallo 16 a wasa 18 da ya yi a La ligar 2018/19, kuma kungiyoyi 10 ya zura wa kwallayen a raga.
Kyaftin din Argentina ya ci Getafe a farkon Janairun 2019, ya taba yin irin wannan bajintar a 2017 da ya zura kwallo a ragar Villareal da kuma Levante a 2018.
Messi yana da maki 32, da yake duk kwallo daya maki biyu keda ita, wanda yake mataki na biyu shi ne Liu mai taka leda a Kalju ta Estonia.
