Connect with us

Hausa

Me ya sa sojoji ke ci gaba da karbe iko a nahiyar Afirka?

Published

on

Soldiers in Sudan

Hakkin mallakar hoto
Getty Images

Sojoji sun yi wa Shugaban kasar Sudan Omar al-Bashir juyin mulki, sakamakon zanga-zangar nuna adawa da mulkinsa da ta mamaye titunan kasar.

Rundunar sojan kasar ta yi alkawarin gudanar da harkokin mulkin na tsawon shekara biyu, inda daga bisani za ta gudanar da zabe.

Shugaban kasar Sudan Omar al-Bashir ya kama ragamar mulkin kasar ne bayan wani juyin mulkin da aka yi cikin shekarar 1989, kodayake kafin juyin mulkin an sha yin yunkuri da dama, wasu sun yi nasara, wasu kuwa hakarsu ba ta cimma ruwa ba.

An gudanar da cikakken bincike ne kan tarihin juyin mulkin soja a kasar Sudan, tare da nau’ukansa a daukacin fadin Afirka

Sudan ta yi fama da yawan yunkurin juyin mulki fiye da kowace kasa a Afirka

Daukacin juyin mulkin da ya hada da na baya-bayan nan, an yi a kalla yunkuri sau 15 – hudu ne kawai suka samu nasara.

Yanzu haka dai rundunar soja ta samu nasarar hambarar da Omar al-Bashir, za a iya cewa wannan shi ne karo na biyar.

Hakkin mallakar hoto
Getty Images

Image caption

Jama’a sun yi murna a fili bayan da sojoji suka taimaka wajen sauke Mugabe a 2017

Mene ne juyin mulki?

Tun cikin shekarun 1950, an yi yunkurin juyin mulkin da yawansu ya kai 206 a fadin Afirka, kamar yadda wasu masanan kimiyyar siyasa ‘yan Amurka biyu suka tattara bayanai akai, wato masanan su ne, Jonathan Powell and Clayton Thyne.

Ma’anar juyin mulki shi ne wani yunkuri da ya sabawa doka da sojoji ko kuma jami’an farar hula ke yi domin hambarar da gwamnati mai ci.

Sai dai ma’anar juyin mulki an sha yin takaddama a kanta, ta yadda a da can, shugabannin soja suka musanta cewa suna aiwatar da lamarin.

Alal misali, kasar Zimbabwe a shekarar 2017 sojojin kasar sun yi juyin mulkin da ya kawo karshen mulkin Robert Mugabe na shekaru 37. A lokacin, wani babban jami’in soja Manjo-Janar Sibusiso Moyo, ya shiga talabijin, inda ya karyata juyin mulkin sojan.

“Shugabannin juyin mulki kusan koda yaushe sukan karyata aiwatar da juyin mulkin a kashin kansu a kokarinsu na ganin cewa sun samu amincewar doka, “in ji Powell.

Powell da Thyne sun yi nuni da cewa juyin mulkin da ya samu nasara, shi ne, wanda ya kama ragamar mulki tsawon lokacin da ya zarta kwanaki bakwai.

In an cire dayan nan, wanda aka gudanar a Sudan, an yi yunkurin juyin mulki har sau 105, wadanda ba su samu nasara ba a fadin Afirka da kuma guda 100 da suka kai ga gacin nasara.

Kasar Burkina Faso da ke Afirka ta Yamma ita ke da yawan juyin mulkin da suka kai ga nasara, inda adadinsu ya kai bakwai.

Shin Afirka na da karancin juyin mulkin soja?

Tabbas Afirka ta yi fama da dimbin juyin mulkin soja, amma hakika irin wannan tursasawar ta kawo sauyi na matukar raguwa.

Cikin shekaru arba’in, wato tsakanin shekarun 1960 zuwa 2000, yawan yunkurin juyin mulki yana nan daram kan turbarsa na akalla 40 cikin shekaru goma.

Tun daga wancan lokacin an yi matukar samun raguwar lamarin.

A shekarun 2000 an yi yunkurin juyin mulki da yawansu ya kai 22, kuma a daidai ma’aunin shekaru goman da ake kai yawan juyin mulki ya tsaya ne akan 17.

“Kasashen Afirka sun yi fama da yanayin da ke bayar da kafar yin juyin mulki, al’amuran da suka hada da talauci da matsalar tattalin arziki. Da zarar kasa ta yi fama da juyin mulki sau daya, to tamkar ya zama manuniya ce da ke bayar da tabbacin aukuwar wasu da dama.”

Tarihi ya nuna cewa a kasashen Afirka, rundunar soja na taka muhimmiyar rawa wajen mika mulki, tare da tunkarar matsalolin cikin gida da harkokin tsaro.

A fadin duniya

Yawan yunkurin juyin mulkin da aka yi a daukacin fadin duniya, tun daga shekarar 1952 yawansa ya kai 476

Afirka ta yi fama da juyin mulki fiye da kowace nahiya.

Mai biye mata ita ce nahiyar Kudancin Amurka, wadda aka yi mata yunkurin juyin mulki 95, kuma 40 daga cikinsu sun kai ga nasara.

Hakkin mallakar hoto
Getty Images

Image caption

Zanga-zanga a Venezuela a wani yunkuri na hambarar da gwamnatin marigayi Shugaba Chavez

Cikin shekaru ashirin da suka gabata an samu raguwar yawan juyin mulki a nahiyar Kudancin Amurka. Na karshensu dai shi ne wanda aka yi a kasar Venezuela cikin shekarar 2002, don kawar da Shugaba Hugo Chavez, amma bai samu nasara ba.

Powell ya ce kawo karshen yakin cacar baki, al’amarin da ya bayar da kafa ga Amurka da Tarayyar Sobiyat suka rika yin katsalandan a harkokin nahiyar Amurka ta Latin (Ko Kudancin), tare da aniyar hukumomin duniya na kakaba takunkumi ga kasashen da suka yi juyin mulki, kamar Haiti a shekarar 1994, shi ya haifar da raguwar juyin mulkin soja.

Facebook Comments
Advertisement
Click to comment

Leave a Reply

Your email address will not be published. Required fields are marked *

Entertainment

Motar da Adam Zango ya ce ya saya milyan 23 ba tasa ba ce, tawa ce na ba shi shan miya – Z-Preety

Published

on

Fitacciyar jarumar finafinan Hausa, Zulaihat Ibrahim, wacce aka fi sani da Zpreety, ta yi wata muhimmiyar magana akan motar da Adam Zango yace ya saya naira miliyan 23.

Zulaihat wacce aka fi sani da Zpreety ta bayyana cewa wannan magana ba haka take ba, inda ta ce mota dai tata ce ta ara masa. Ta kara da cewa ta yi hakan ne domin ta nunawa duniya yadda take girmama Adam Zango, amma kuma sai ya ɓuge da yi wa mutane karya.

Zulaihat ta bayyana cewa motar nan da Adam Zango ya dinga sanyawa a kafafen sada zumunta ba tashi bace motarta ce.

Ta bayyana hakan ne a cikin wani bidiyo da ya dinga yawo a kafafen sada zumunta, inda aka nuno ta a tsaye kusa da motar tana magana.

Zulaihat din ta ce “Mutane na taa tambaya ta cewa dana sami kudin wakar babban yaro mai na yi da shi, gaskiya ce nake so na fada yau, motar nan da kuka gani Baba Adamu yana hawa tsakani da Allah tawa ce.

“Da aka bani ita don nake hawa, sai na ga cewa yana da kyau ka girmama na gaba gare ka, sai na dauka na ba shi akan zai hau na tsawon wata biyar daga nan zan karba na cigaba da amfani da motata.”

A jikin bidiyon Zulaihat ta nuna asalin motar Adam Zango, domin ta kara tabbatarwa da mutane cewa motarta ce.

“Ina dai so na nunawa duniya ta san ainahin abinda ke faruwa ne saboda kowa ya san cewa karya babu kyau.” Makonnin da suka gabata ne dai hotunan jarumi Adam Zango akan wata jar mota suka dinga yawo a shafukan sada zumunta, inda aka bayyana cewa ya sayi motar naira miliyan 23.

Facebook Comments
Continue Reading

Hausa

An samu bankin Musulunci a karo na biyu a Najeriya

Published

on

Wani rahoton da muka samu a jiya Litinin daga jaridar Iwitness ta tabbatar da cewa babban bankin Nijeriya, CBN ta bayar da lasisin fara aiki ga wani sabon bankin Musulunci a Nijeriya, mai suna TAJ Bank Limited.

Majiyar mu ta ruwaito babban bankin ta sanar da amincewarta da fara aikin wannan sabon bankin Musuluncin ta cika ne cikin wata wasika data aika mata a ranar Litinin, 15 ga watan Yuli, sakamakon gamsuwa da tayi da cikan dukkan sharuddan data gindaya mata.

Sai dai CBN ta iyakance ayyukan Bankin TAJ a iya yankunan Arewa maso yammaci da kuma Arewa maso gabashin Najeriya, amma ta bata daman ta samar da babban ofishinta a babban birnin tarayya Abuja.

Wannan cigaba da aka samu a harkar cinikayyar kasuwanci irin na Musulunci ya kawo adadin bankunan Musulunci a Najeriya zuwa biyu, bayan samuwar bankin Musulunci na Jaiz tun a shekarar 2011.

Idan za’a tun a shekarar 2003 aka fara haihuwar Jaiz a matsayin cibiyar hada hada cinikayya irin na Musulunci da bata ta’ammali da riba, yayin da a shekarar 2011 CBN ta batalasisin fara aiki a iya Arewacin Najeriya, don haka ta zama bankin Musulunci na farko a Najeriya.

Bankin Musulunci na JAIZ bai fara aiki ba sai a ranar 6 ga watan Janairu na shekarar 2012, inda bayan samun karbuwa suka nemi izinin CBN ta basu daman su fadada ayyukansu zuwa sauran sassan Najeriya, wanda a shekarar 2016 CBN ta bata lasisin aiki a dukkanin sassan Najeriya.

Facebook Comments
Continue Reading

Arewa

Yadda ‘yan bindiga 300 suka far wa kauyukan Katsina | BBC Hausa

Published

on

Soldiers
Image caption

Jami’an tsaro sun sha alwashin kawo karshen matsalar tsaro

Rundunar ‘yan sandan jihar ta Katsina, ta ce yan bindiga kimanin 300 ne suka far wa kauyuka uku na Kirtawa da Kinfau da Zamfarawan Madogara da ke yankunan kananan hukumomin Batsari da Safana.

A wata sanarwa, mai magana da yawun rundunar ‘yan sandan, DSP Gambo Isah ya ce hare-haren da aka kai ranar Asabar, sun yi sandiyyar mutuwar mutum 10, inda kuma aka jikkata mutum biyar.

DSP Gambo Isah ya kuma ce ‘yan bindigar sun rika harbin kan mai uwa da wabi inda suka tarwatsa mutanen kauyen.

Sanarwar ta kara da cewa maharan sun cinna wa ababan hawa wuta,bayan sun kora shanun da ba a san adadinsu ba.

Wani wanda harin ya rutsa da shi a kauyen Zamfarawan Madogara ya bayyana wa Sani Aliyu yadda lamarin ya auku.

Yadda aka far wa kauyukanmu

Wannan bawan Allah ya kara da kokawa dangane da yadda ‘yan bindiga ke satar mata a duk lokacin da suka kai hare-hare kauyukan nasu.

Facebook Comments
Continue Reading
Advertisement
Advertisement

Trending

%d bloggers like this: