Sojojin rundunar kasa da kasa dake yaki da yan ta’ada a yankin tafkin Chadi ta ce yan ta’adda masu yawa ne suka mika wuya ga rundunar.
Mai magana da yawun rundunar, Abubakar Abdullahi shi ne ya bayyana haka cikin wata sanarwa da ya fitar.
Sanarwar ta ce an samu gagarumar nasarar ne cikin kwanaki biyu inda manyan kwamandodin Boko Haram hudu da mayaka 15 da kuma iyalansu 45 suka ajiye makamansu suka kuma mika wuya ga shiya ta uku ta rundunar dake Cross Kauwa da kuma Baga a karamar hukumar Kukawa ta jihar Borno.
Yan ta’addar sun mika makamansu da suka haɗa da bindigogi kirar AK-47 da FN Rifle da harsashi da dama.
