Jami’ar Kimiyya da Fasaha ta Confluence (CUSTECH) da ke Jihar Kogi ta kori ɗalibai 2 bisa zargin aikata luwadi.
A wata sanarwa da jami’ar ta fitar, ta ce an amince da hukuncin ne bayan nazarin shawarwarin Kwamitin Ladabtar da Ɗalibai. Haka kuma, an dakatar da wasu ɗalibai 4 na tsawon zangon karatu 1 saboda faɗa a harabar jami’ar.
Mahukuntan jami’ar sun ce an ɗauki matakan ne daidai da kundin dokokin makarantar. Sun kuma jaddada cewa za su ci gaba da tabbatar da ladabi da bin ƙa’idoji, tare da ɗaukar mataki kan duk ɗalibin da aka samu da laifin karya dokokin jami’ar.
Jami’ar CUSTECH Ta Kori Ɗalibai 2 Kan Zargin Luwadi
