Jami’an hukumar tsaro ta farin kaya da aka fi sani da DSS sun samu nasarar kama wani matashi a jihar Kano dake safarar bindigogi.
Matashin mai suna Abubakar Muhammad ya faɗa hannun jami’an ne akan hanyarsa ta zuwa garin Funtua dake jihar Katsina inda anan ne zai kai bindigogi.
Bindigogin da aka same shi da su sun haɗa bindigar AK-47 guda uku, bindigar harba makamin roka guda da huɗu da kuma kwanakin harsashi guda biyu.
Da yake amsa tambayoyin manema labarai wanda aka kama din ya ce an dauke shi kwangilar yin jigilar makaman ne daga garin Maigatari na jihar Jigawa inda zai kai su garin na Funtua. Ya kara da cewa da zarar ya samu nasarar kai kayan game su an yi masa alkawarin biyansa zunzurutun kudi naira 450,000.
