ISWAP ta kashe sojojin Najeriya shida a Borno

Mayaƙan Boko Haram

Bayanan hoto,
An jikkata wasu kusan 12 yayin harin

Aƙalla soja shida ne suka mutu sakamakon hari da mayaƙan ƙungiyar Islamic State West Africa Province (ISWAP) wadda ta ɓalle daga Boko Haram ta kai musu ranar Asabar a Jihar Borno.

Rahotanni sun bayyana cewa lamarin ya faru ne a ƙauyen Burimari lokacin da tawagar sojojin ke kan hanyarsu ta zuwa Baga, inda dakarun ƙungiyar suka yi musu kwanton-ɓauna.

Wani mai magana da yawun rundunar sojan Najeriya ya shaida wa wakilin BBC Ishaq Khalid cewa suna buƙatar lokaci domin sanin abin da ya kira “gaskiyar lamarin”.

Majiyoyi da dama, ciki har da wani soja da ya tsallake rijiya da baya, sun faɗa wa BBC cewa aƙalla soja shida ne da kuma wani mayaƙin sa-kai suka mutu a harin tare da jikkata kusan 12.

Kazalika rahotanni sun ce ‘yan bindigar sun ƙwace motar sojoji guda biyu.

Gwamnan Borno Babagana Umara Zulum ya shafe ranakun Asabar da Lahadi a garin na Baga, har ma wasu rahotanni suka ce an kai wa tawagarsa hari. Sai dai gwamnatin jihar ta musanta rahoton.

Gwamna Zulum ya je Baga ne domin ganin yadda aikin raba kayan tallafin abinci yake tafiya ga mutanen da suka koma ba da daɗewa ba bayan hare-haren Boko Haram sun raba su da mahallansu.

Yayin ziyarar aikin a Baga, Gwamna Zulum ya jagoranci raba wa mazauna yankin naira 5,000 da kayan abinci tare da duba sake gina gidajen da ‘yan bindiga suka rusa.

More News

Buhari ya rantsar da sabon Alkalin Alkalai

Shugaban kasa, Muhammad Buhari ya rantsar da mai shari'a, Olukayode Ariwoola a matsayin, babban Alkalin Alkalai na Najeriya. Hakan na zuwa ne biyo bayan murabus...

‘Kyale kowa ya mallaki makami a Zamfara na da haɗari’

Masana a harkar tsaro sun bayyana cewa matakin da gwamnatin jihar Zamfara da ke Najeriya ta dauka na kyale farar-hula su mallaki bindiga yana...

2023: Tinubu will prevent APC lawmakers from dumping party, Shettima claims

A former Borno State governor, Kashim Shettima has said the presidential candidate of the All Progressives Congress (APC), Asiwaju Bola Tinubu, has nipped the...

Hotunan Daurin Auren Dan Gwamnan Nasarawa

Manyan baki da dama ne ciki har da mataimakin shugaban kasa, Yemi Osinbajo suka halarci daurin auren dangidan gwamnan jihar Nasarawa, Abdullahi Sule da...