Wasu miyagu da ba a tantance su waye ba sun kashe wani Bafulatani mai shekaru 70 a gundumar Panyam a karamar hukumar Mangu ta jihar Filato, Adamu Idris Gabdo.
Shugaban kungiyar Miyetti Allah Cattle Breeders Association of Nigeria (MACBAN) na jihar Nuru Abdullahi, wanda ya tabbatar da kisan ya ce lamarin ya faru ne da yammacin ranar Asabar a lokacin da mamacin ke dawowa daga ziyarar da ya kai wa hakimin Panyam.
Shugaban na MACBAN ya zargi matasan Mwaghavul a yankin da aikata kisan, amma kakakin kungiyar ci gaban Mwaghavul, Mista Lawrence Kyarshik, ya musanta zargin.
Jihar Filato dai tana fama da tashe-tashen hankula masu nasaba da addini da ƙabila.
