‘Yan sanda a Najeriya sun ce yin jima’i cikin mota a bainar jama’a ba laifi ba ne.
Babban jami’in ofishin sauraren korafin jama’a na rundunar ‘yan sandan ne Abayomi Shogunle ya fadi haka a yayin da yake amsa tambayoyi a Twitter.
An tambayi jami’in ne “ko laifi ne yin jima’i a cikin motarsa?” Sai ya ce “ba laifi ba ne” amma idan an kiyaye wasu sharudda.
NO.
Sex in a car in a public place is not a crime in Nigeria provided;
1. Location is not a place of worship
2. Parties are 18 yrs+
3. The act is consensual (agreed to by parties)
4. Parties are of opposite sex
If threatened with an arrest over above, pls contact @PoliceNG_PCRRU. https://t.co/U1Dqk9Mywe— Abayomi Shogunle (@YomiShogunle) December 11, 2018
Jami’in ya ce “jima’i cikin mota ba laifi ba ne a Najeriya, idan wurin da ake yi ba wurin ibada ba ne, kuma wadanda ke yi sun haura shekara 18”.
“Kuma da yardar dukkanin bangarorin da ke aikatawa, kuma Mace da Namiji ne.”
Ya kuma ce idan mutum har na fuskantar barazana a yayin aikata jami’in a mota, yana iya sanar da ‘yan sanda.
Wadannan bayanan na jami’in ‘yan sandan ya ja hankali sosai a kafofin sada zumunta, inda ya samu tsokacin mutane sama da dubu 100.
Kalaman sun janyo yabo da suka, yayin da wasu ke cewa ba dukkanin ‘yan sanda ba ne suke sane da haka, domin sun sha kame mace da namiji da suka kebe mota.
Masu suka kuma na cewa hakan ya saba wa al’adar tarbiya a Najeriya.
Za a dai ci gaba da muhawara kan wannan batu a kasar.
