Fasinja ya mutu a cikin jirgin Kenyan Airways daga Nairob zuwa Lagos

Kamfanin jiragen sama na Kenya Airways ya bayyana cewa wani fasinja ya rasu a cikin jirginsu daga birnin Nairobi na Kenya zuwa Lagos a ranar Talata. 

A cikin sanarwar da aka fitar a ranar Laraba, kamfanin ya ce fasinjan ya daina motsi kusan mintuna 20 kafin jirgin ya sauka a filin jirgin sama na Murtala Muhammed a Lagos. 

“Ma’aikatan jirgin sun yi bashi  taimakon gaggawa kamar yadda aka horar da su, kuma sun bi dukkan matakan gaggawa,” in ji sanarwar. 

Jirgin ya na sauka da karfe 21:41, likitoci suka tarbe shi, kuma bayan bincike sun tabbatar da cewa fasinjan ya riga ya mutu. 

“Kenya Airways ya yi ta’aziyya ga iyalai da abokan mamacin, tare da neman afuwa kan duk wata matsala da lamarin ka iya haifarwa.” a cewar sanarwar.

Sanarwar ta kara da cewa: “Muna kiyaye sirri da mutuncin duk wanda abin ya shafa.” 

Kamfanin ya ce yana haɗa kai tare  da dukkan iyalan mamacin, hukumomin da kuma hukomomin dake kula da harkokin zirga-zirgar jiragen sama Domin bayar da dukkan taimakon da ya kamata