Shugabannin jam’iyyun APC da SDP a ƙananan hukumomin Esa Oke da Obokun a jihar Osun sun sauya sheka ya zuwa jam’iyar Accord Party inda suka bayyana goyon bayansu ga gwamnan jihar Ademola Adeleke a zaɓen da za a gudanar a cikin watan Agusta.
Oni Olayinka tsohon kansila da Ogunsakin Bukola tsohon wakilin mazaba na ɗan majalisar wakilai ta tarayya suna daga cikin jiga-jigan jam’iyun biyu da su ka sauya shekar.
Masu sauya shekar wanda shugaban ma’aikatan gwamnan, Kazeem Akinleye ya karɓa ya bayyana cewa shugabancin ba tare da nuna wariya ba da kuma mulki dake bunƙasa rayuwar al’umma na daga cikin dalilan da su ka sa saka mutanen komawa jam’iyar ta Accord Party.
Da suke jawabi dukkanin mutane sun bayyana mubaya’arsu ga gwamnan tare da alkawarin tattaro jama’a tun daga matakin mazaba domin samun nasararsa a zaben gwamna karo na biyu.
