Wata gobara ta tashi a layin ’yan yadi na Sabuwar Kasuwar Azare, wato Abubakar Tatari Ali Market, da ke Jihar Bauchi.
Shaidun gani da ido sun tabbatar cewa lamarin ya faru ne a daren Alhamis, 5 ga Maris, 2026.
Rahotanni sun nuna cewa gobarar ta fara ne daga wani bangare na layin ’yan yadi na kasuwar, inda wutar ta kone shaguna da dama.
Masu aikin agaji da jami’an kwana-kwana sun isa wurin domin kashe wutar tare da dakile yaduwarta zuwa sauran shaguna.
Sai dai har zuwa lokacin hada wannan rahoto, ba a kai ga tantance adadin shagunan da gobarar ta lalata ba. 🔥🚒
Gobara Ta Tashi A Sabuwar Kasuwar Azare A Jihar Bauchi
