Birtaniyya Ta Hana Daukar Likitoci ‘Yan Najeriya Aiki

Gwamnatin Britaniyya ta sanar da haramtawa hukumar kula da al’amuran ma’aikatan lafiya da masu bada kulawa a kasar daukar likitoci da ma’aikatan lafiya aiki daga Najeriya.

Gwamnatin kasar ta Birtaniyya ta sanar da wannan matakin ne a cikin wani kundin tsarin aikin lafiya da masu ayyukan jinkai cikin wani sako da ta wallafa a shafinta na yanar gizo.

A yanzu, Najeriya ta shiga cikin jerin kasashen da suke fama da rashin wadatattun ma’aikatan lafiya a bisa bayyanan WHO.

A watan Maris ne WHO ta fitar da sunayen kasashe 55 da suke fama da kalubalen wadatattun ma’aikatan lafiya ciki, har da Najeriya.

Sabo da haka, ya kamata a baiwa kasashen Birtaniya, Najeriya da sauran kasashen da aka ayyana fifiko wajen inganta baiwa ma’aikatan lafiya horo da kuma al’amuran da suka danganci bada taimako ta yadda za a hana daukan ma’aikatan lafiya a kasashen waje.

Sakon da kundin ya kunsa shine “bisa tsarin dokar WHO” kuma kamar yadda karara dokar ta bayyana cewa za a yiwa dokar tsarin aikin kwaskwarima bayan duk shekaru goma, ya kamata a baiwa wadannan kasashen fifiko wajen baiwa ma’aikatan lafiyarsu horon aiki domin su dada samun kwarewar aiki kana a dakatar da daukan su aikia A kasashen waje.

Cibiyoyin lafiya da kuma cibiyoyin dake baiwa al’umma kulawa, cibiyoyin daukar ma’aikata da sauran masu alaka da daukar ma’aikatan lafiya masu hadin giwa su kiyaye daukar ma’aikatan lafiya daga wadannan kasashe har sai idan an samu tattaunawa ta fahimta tsakanin gwamnatocin kasashen wanda

WHO ta rubuta sunayen kasashen dake da bukatar tallafin da kariyar da jan alli. Har idan an cimma jarjejeniyy tsakanin kasar da ta haramta cibiyoyn daukar maikata, ana sanya kasar cikin wannan rukunin kasashen.

Dokar ta kuma ce, har idan ba a rubuta sunan kasar da jan alli ba to yana kasancewa a rukunin masu koren alli. Kasashen da aka yiwa haramcin daukar ma’aikata sune Kenya da Nepal kawai.

Idan za a iya tunawa, wani kudirin dokar haramta baiwa likitoci ‘yan Najeriya da suka samu horon aikinsu a kasar takadar shaidar kwarewar aiki har sai sun kwashe mafi karancin shekaru biyar suna aiki a kasar, yayi masarar samun karatu na biyu a majalisar wakilan kasar a ranar alkhamis din da ya gabata.

Manufar dokar itace rage yawan likitocin da suke neman barin kasar su fita aiki a kasashen waje kana a inganta ayyukan lafiya a Najeriya.