Shugaba Buhari ya ƙara shaida wa jama’a cewa jami’an tsaron Najeriya, a ƙarƙashin ikonsa, za su murƙushe ƴan ta’addar da suka addabi ƙasar.
Malam Garba Shehu, mai magana da yawun shugaban ne ya bayyana haka cikin wata sanarwa, yana mai cewa Shugaba Buhari ya bayyana haka ne a ziyarar da ya kai ranar Juma’a Kaduna.
Jihar ta Kaduna tana daga cikin jihohin Najeriya da ƴan ta’adda suka addaba musamman a arewa maso yamma.
