Connect with us

Hausa

Yaushe kotu za ta yanke hukunci kan zaben gwamnan Kano? | BBC Hausa

Published

on

Abba Kabir Yusuf
Image caption

Abba Kabir Yusuf yana kalubalantar nasarar Gwamna Ganduje

A ranar Alhamis ne kotun mai sauraron kararrakin zaben gwamna ta fara zaman share-fage a kan karar da ke gabanta.

Abba Yusuf, wanda aka fi sani da “Abba gida-gida”, ya sha kayi a hannun Gwamna Abdullahi Umar Ganduje a karashen zaben da aka yi, duk da cewa shi ne kan gaba a zaben farko wanda bai kammala ba.

Sai dai masu sa ido na gida da waje sun soki yadda aka gudanar da karashen zaben suna masu cewa an tafka magudi, zargin da jam’iyyar APC da kuma hukumar zabe suka musanta.

Kotun dai tana da kwana 180 ne ta yanke hukunci daga ranar da aka shigar da karar. A ranar 11 ga watan Afrilun 2019 ne Abba ya shigar da karar.

Ke nan kwanaki 97 ya rage ita wannan kotu ta kammala shari’ar domin yanke hukunci.

Zaman kotun na ranar Alhamis wanda mai shari’a Halima Shamaki ke jagoranta, ya mayar da hankali ne kan tantance bayanai da korafe-korafen da bangaren masu kara da na masu kare kai suka gabatar.

An dai tabka muhawara a tsakanin lauyoyin, inda kowane bangare ya nemi da a kori karar da daya bangaren ya shigar kafin daga bisani kotu ta cimma matsayar dage zaman.

Lauyoyin da ke kare Gwamna Ganduje sun nemi a dage sauraron karar, tare da ba su isasshen lokaci domin su yi nazarin wata sabuwar bukatar da masu kara suka gabatar.

Su ma masu gabatar da karar sun ki amincewa da ita, sakamakon zargin da suke yi cewa lauyoyin da ke kariya na fitar da salo ne kawai na ba ta lokaci.

Dan takarar gwamna na jam`iyyar PDP, Abba Kabir Yusuf da kuma jam`iyyarsa ne suka shigar da karar bisa zargin cewa zaben cike yake da magudi da kuma aika-aikar `yan bangar siyasa.

Haka kuma masu karar sun bukaci kotu ta yi watsi da sakamakon zaben da aka yi, zagaye na biyu, wanda aka fi sani da “Inconclusive,” bisa zargin cewa babu tsarin Inconclusive a cikin dokar zabe.

Abba Kabir Yusuf da kuma jam`iyyarsa na karar Hukumar Zabe ta Kasa, INEC da Gwamna Abdullahi Umar Ganduje ne, amma sun musanta zarge-zargen na PDP.

Yanzu dai kotun ta dage zaman sauraron karar zuwa ranar 13 ga wannan watan na Yuli, don ci gaba da shari’ar.

Image caption

Hukumar zabe ta bayyana Gwamna Ganduje da wanda ya lashe zaben da aka yi a watan Maris

  • Kawunan masana shari’a ya rabu kan zaben Kano
  • Duk wanda ya ci zaben Kano a ba shi kawai – Bashir Tofa

Yaushe za a kammala shari’ar?

Barrister Audu Bulama Bukarti ya yi wa BBC bayanin abubuwan da za su faru daga ranar 13 ga watan Yuli idan kotu ta koma zamanta kamar haka:

  • Masu kara za su gabatar da shaidunsu
  • Daga nan kuma sai a bai wa wadanda ake kara su ma su gabatar da nasu shaidun
  • Kotun za ta saurari abin da ake kira jawaban karshe, inda wadanda ake kara za su fara jawabin karshen
  • Daga nan ne kuma sai a bai wa bangaren masu kara su gabatar da nasu jawabin na karshe
  • Kotun za ta sake bai wa wadanda ake kara damar mayar da martani kan jawabin karshe da masu kara suka yi
  • Bayan sauraron jawaban karshe da martani sai kotu ta sa ranar yanke hukunci.

Daya daga cikin hukunci uku da kotu za ta iya yankewa

  • Kotu za ta iya korar karar da Abba Kabir Yusuf, inda za ta tabbatar da Gwamna Ganduje da cin zabe
  • Kotu za ta iya ayyana Abba Kabir Yusuf da wanda ya ci zabe
  • Kotun za ta iya soke zaben domin a sake

Idan hukuncin da kotun sauraron kararrakin zaben ta yanke bai gamsar da daya daga cikin bangarorin ba, sai su garzaya kotun daukaka kara.

Yaushe za a yanke hukunci?

Ita dai wannan kotun ta sauraron kararrakin zaben na da kwanaki 180 ta yanke hukunci daga ranar da aka shigar da karar.

Kotun Daukaka Kara na da kwana 60 ta yanke hukunci, inda ita ma Kotun Koli take da kwanakin 60 ta yanke nata hukuncin.

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

‘Yan ciranin da suka makale sun bar wani tsibirin Italiya

Published

on

stranded

Kusan ‘yan cirani 100 da ke kan wani jirgin ruwa na jin kai wanda ya makale a tsibirin Lampedusa sun bar tsibirin na Italiya, bayan wani mai shigar da kara ya umarci jirgin ruwan da ya bar tsibirin.

Lokacin da jirgin ya isa tsibirin dai, mutane sun yi musu maraba a yayin da suka dinga sowar “sannu da zuwa” musamman ma ga ‘yan ciranin Afirka.

Mai shigar da kara, Luigi Patronaggio ya umarci da a kwace jirgin wanda mallakin wata kungiyar agaji mai suna Open Arms ne.

Kungiyar ta ce ‘yan ci ranin za su iya fara samun kulawar likitoci, duk da gwamnatin Italiya ta jima tana hana su shiga kasar.

Kafin mai shigar da karar ya yanke hukuncinsa, Sipaniya wadda ita ce gida ga kungiyar ta Open Arms ta aika wani jirgin ruwa zuwa Lampedusa domin ya dauko ‘yan ci ranin.

Facebook Comments
Continue Reading

Arewa

Hukuma ta sake kama rikakken mai satar mutanen nan

Published

on

Yanzu haka masana da kwararru a Najeriya sun yaba wa ‘yan sanda a kan namijin kokari da suka yi wurin zakulo mutumin, suna cewa wannan na nuna lalle fa ‘yan sandan Najeriya jajirtatttu ne.

Masanin Halayyar bil’adama da harkar tsaro, Farfesa Mohammed Tukur Baba ya ce wannan na nuna irin sabon babi da ‘yan sandan suka bude a sha’anin tsaro, duba da irin bajintar da suke ta nunawa da ba ayi tsammani ba, a don haka matsalolin tsaron da kasar ke fuskanta ba wai ya gagari ‘yan sanda ba ne.

Farfesa Baba ya kara da cewa matakai da suke bi su kamo irin wadannan manyan yan ta’adda ya nuna cewa in sun dukufa kuma suka samu goyon bayan jama’a to fa lalle ‘yan sandan zasu magance matsalolin tsaro a Najeriya.

Kamo irin wannan babban dan ta’addan inji masanin ka iya aikewa da sako ga duk masu son tafka aika aika, don hakan ya fara bada tsoro cewa lalle komai nisan jifa kasa zai fado, don kuwa dan sandan Najeriya ba kanwan lasa bane.

Lauyan nan mai fafutuka Barrister Yakubu Sale Bawa yace shi tuni yana da kwarin gwiwar lalle ‘yan sandan zasu sake cafke shi Wadumen, duba da cewar lalle ‘yan sandan Najeriya in zasu yi aiki zasu yi, kuma cafke wannan Wadumen zai fito da dalla dallan me ya faru.

Facebook Comments
Continue Reading

Hausa

Ina Neymar, Eriksen, Varane, Vorm, Mustafi, Ibe, Bravo za su tafi? | BBC Sport

Published

on

Neymar

Hakkin mallakar hoto
Getty Images

Image caption

Juventus ta fara farautar Neymar

Barcelona na shirin karbar aron Neymar mai shekara 27 daga Paris St-Germain a wannan makon da nufin sayen dan wasan idan an sake bude kasuwar musayar ‘yan wasa. (ESPN)

Juventus ta shiga sahun manyan kungiyoyin da ke bukatar Neymar, inda ta fara tattaunawa da PSG domin karbar dan wasan na Brazil. (AS)

Barcelona ba ta shirya yin watsi da burin dawo da Neymar ba a Camp Nou. (Marca).

PSG ta fi son ta ba Real Madrid Neymar don ta karbi dan wasan baya na Faransa Raphael Varane, mai shekara 26, da kuma matashin dan wasa Vinicius Jr. (Telefoot, via Sun)

Dan wasan Tottenham na Denmark Christian Eriksen, mai shekara 27, ya ce yana sha’awar komawa Barcelona ko Real Madrid ko Juventus. (ESPN)

Arsenal za ta bar dan wasan Jamus Shkodran Mustafi, mai shekara 27 ya koma Roma a matsayin dan wasan aro amma da nufin sayar da shi kan fam miliyan £23m. (Forza Roma, via Sun)

Golan Chile Claudio Bravo, mai shekara 36 zai bar Manchester City a karshen kaka. (Sun)

Ole Gunnar Solskjaer ya nanata cewa Paul Pogba, mai shekara 26, ba zai bar Manchester United ba. (Sky Sports)

Facebook Comments
Continue Reading
Advertisement
Advertisement

Trending

%d bloggers like this: