Masu kiwon raƙuma a arewa maso gabashin Ethiopia sun koka kan yadda tsananin zafi da fari ke haddasa mutuwar dabbobinsu, duk da cewa an san raƙuma da jure yanayin hamada.
Wani mai kiwon raƙuma a yankin Semera na Afar, Ali Umar, ya shaida wa BBC cewa ya rasa raƙuma 8 cikin kusan wata 1 saboda tsananin zafi.
Ya ce yanayin zafin ya ƙaru sosai cikin ƴan shekarun nan, har ma iskar da ke kaɗawa tana zuwa da zafi, lamarin da ke ƙara jefa dabbobi cikin mawuyacin hali.
Tsananin Zafi Ya Hallaka Raƙuma A Ethiopia
